2013-11-04

一個肯同自己做麥記嘅世裝

柳凝之

(原文屬《男人一生,只為尋覓一個肯同自己挨麥記嘅女人》。不是懶,而是這篇近來全城熱話的潮文真的頗能說出西裝「揀客」的生活,故借來一用,純屬搞笑。)

是咁的,身邊啲朋友成日問我有咩請西裝嘅條件,巴巴閉閉咁分享佢地嘅心得。

話咩要有劉心悠嘅面孔、十四把港女嘅凶狠、半澤直樹嘅能幹、梁振英嘅語言偽術、金帆加EFFIE全勝嘅portfolio。

我多數就一句車埋去:「咁呢個妹/仔會唔會陪你去做麥記先?」

George拎住隻滑鼠,臉容扭曲到好似畢加索啲名畫咁望過黎,生命去到一個非常危險嘅階段。聽到依個問題,佢已經從最終幻想中解放出黎。

唔想講都要坦白講,一個西裝去到廿歲尾,人到中層,終於可以拖住條o靚,但有乜野客條o靚肯做依個問題仲難解拆過「南北韓危機」同「公司 N 年無bonus」。

有時條team今年未到數,衰啲講句得閒有個NGO客俾你做下飛機稿扮下高尚,已經要開通頂坐的士返屋企,只為追埋餘下嘅數。

隔離有個正在interview嘅西裝,想sell佢入黎你公司都要左諗右諗,

「銀行呀!銀行客可以俾你學下金融野!」

「吓,好悶喎D廣告...」

「樓盤呀!都做得舒服,又多大型shoot要跟!」

「吓,要對好多T&C喎...」

「不如做超市呀!阿仔/女你想試得意野嘛!」

「吓,勁多豬肉稿喎...我唔需要今日豬扒賣幾錢嘅第一手消息囉。」

「做麥記」?你真係講都唔敢講!就算佢肯,你都唔好意思問。

試過同一位已成歷史塵埃嘅西裝傾一次計。

喂個客唔差架喎其實!

D稿立立令唔在講、POSM全過膠,令你感受到法國Cannes Lions嘅浪漫迷情、加上圍繞身邊,三條 TVC,令你可以係香港做堂堂蘋果iPhone嘅廣告,雖然係adaptation,個種係美國香港穿梭嘅快感令人縈繞夢域。

電訊客,無獎攞但都叫decent,絕對唔 cheap!

只不過對面正提出辭職嘅西裝就唔係咁諗啦,

聽到電訊客已經成個比達上身咁西口西面,

聽清楚個job nature直情變埋超級西面人。

又話唔要對T&C、又話唔想開夜、又話電訊客出稿好趕。

我心諗:「迪迪尼啲稿都趕,你係咪唔做先?就算做P&G,都唔似好得閒呀嘛,斷估你唔係未聽過一個禮拜番四次廣州開會呀,你估真係咁疏乎呀?」

OK fine!我諗就凶狠,講就冇份...

最後佢講左一句:「Honestly,我覺得擁有一個可以令到我有 growth嘅客係好基本囉。」

我心諗:「安甩匙哩,你唔洗強調growth囉,你都冇令公司生意grow過。係咪?」

我想即刻炒左佢。

但事實上佢即日已經炒左我。

悲劇。

我曾經以為後生仔都是這樣,我曾經想過做「一休和尚」算數。得閒有需要就扑下木魚,以此為樂。

估唔到有生之年仲搵到一個主動同我做麥記嘅西裝。

一個西裝要做麥記,為咗啲咩?

覺得麥記好好玩?覺得數碼港口好爆近?覺得女朋友真係會拎住你做的四百條banner ad其中一條同你講「你好叻呀」?

成年人唔好比咁多幻想自己啦,廿幾歲仔要做老麥只係因為四個字-「做住先囉」。

講真,當個西裝主動要求做麥記嘅時候,我真係懷疑佢係到試探我。只要我話好,就會收取「你是好人」嘅好人卡。

但我見佢咁真心又一試無妨。

一坐低佢就問我有咩野做。

我答:「好忙架‥‥‥水牌你都要做埋‥‥‥」

只係說時遲、那時快,個西裝妹妹已經話無問題,佢最後只係話佢轉工需要兩個月通知,人工可以比宜家個份高一千已經好開心。

個一野已經眼濕濕,我想話比返張媽咪會會員卡佢當bonus,佢仲借啲意話唔駛啦,遲下佢表現好先比我加佢人工都未遲。

我好滾動,我終於流下男兒淚,個時仲要公司無房係露台見緊工。

個西裝妹妹問我好地地做咩喊,我唯有話啲冷氣機滴水,個一刻,我終於明白,咩叫感動。

西裝一生,尋覓到一個肯同自己做麥記嘅妹妹/仔仔,三個字。

請得過。

沒有留言: