2012-10-16

月下的agency:那一年‧大學畢業


那一年大學畢業,同學們紛紛搵工,有老師啦、記者啦、報紙雜誌編輯啦、警察海關啦、media啦、marketing等等,投身廣告界的只有小貓三四隻。我就是其中一隻貓。

每一次同學gathering,我都例牌遲到,甚至唔到。
「哎呀你做咩又咁遲呀?」
「Sor ar! 今日要交稿,個客改完又改……」
「交稿?其實你做咩架?做廣告唔係等於sales叫人落廣告架咋咩?」
「呀...我係客戶服務部架,負責湊客……」
「下?!即係銀行果啲CS? 咁都做咁夜?」
「唔係呀...... 」

其實每次遇到這種情況,我都覺得好無奈,亦不想解釋。

同學們不斷比較工時、工資、工作範疇等等。我這個工時長工資低,工種令人摸不著頭腦的所謂廣告人當然係唔入流亦被「歧視」。有位同學做政府工,人工高福利好,每次見面總嘲諷我是傻仔做搵笨工,令我氣結非常!

算,我有我enjoy我愛嘅工作style,配合我隨性的生活態度:
我喜歡11點才返工;
我喜歡brainstorm時笑料橫飛;
我喜歡趕deadline時成team人一路唱「我地呢班打工仔」一路捱通頂;
我喜歡接觸唔同嘅客戶擴闊眼界;
我喜歡跟影相拍TVC不用整天黏在office。

我就是嚮往在這一種freedom下製造高質廣告。你可以不明白,你可以不認同,但你不要妄下判斷認為你前途比我光明。

上個月的gathering,政府工同學竟然說想轉工了,原因是工作沉悶無挑戰性,想趁後生闖一闖。

我心裡暗爽了一下。

我不是要比較什麼工作比較好或優越,我只覺得人各有志,我選擇做什麼工作又與你何干?這沒有對與錯,只有適合與不適合,喜歡不喜歡。最緊要想清楚自己的喜好與長處,不要被身邊的人或社會環境影響你的選擇,畢竟工作佔據了我們人生的大部份時間。

芊月

1 則留言:

匿名 說...

Thank you for sharing this. I work as an AS too. Hope I am proud of myself as you are in the years ahead!